Die Montagu se Volksoorlewering, wat deel uitmaak van Die Montagu Boekwinkel, fokus hoofsaaklik op die versameling, ontleding en digitale bewaring van enige inligting van die huidige of die verlede wat betrekking het op die Wes-Kaapse dorp Montagu en omliggende gebiede.Die Volksoorlewering kan gesien word as n belangrike afdeling en funksie van Die Montagu Boekwinkel se doelwit wat op lesers belange geskoei is.

Die hoofdoel van Die Montague Volksoorlewering projek is om ʼn elektroniese platform op die been te bring waar U as lede van die publiek nie net inligting kan verkry nie maar meer belangrik, waar u ook u eie dokumente, elektroniese skakels, videos, fotos, stories, klank- en bandopnames en enige ander relevante inligting met almal kan deel. Hierdie fasiliteit sal beslis ʼn veel meer waardevolle bydrae aan almal verskaf as waar dit miskien nou in ʼn trommel of skoendoos gebêre word en net stof vergader.

Te veel waardevolle inligting gaan oor die jare verlore deurdat mense dink dat ander mense nie daarin belang sal stel nie. Dit is werklik nie die geval nie. As dit vir u van belang is sal dit ook vir ander van belang wees end dit sal die oordra van kennis en gebeure bevorder en die gemeente as n geheel verryk.

Ons nooi u hartlik uit om met die personeel van Die Montagu Boekwinkel kontak te maak en om te bespreek watter inligting u het wat u met ons kan deel. Ons kan dan ook besluit hoe ons die inligting op die mees voordeligste manier kan gebruik en vertoon sodat dit die mees voordeligste bydrae tot die algehele Volksoorlewering projek kan maak. Die waarde van die nalatenskap van historiese inligting vir ons nasate kan nie oorbeklemtoon word nie en moet eenvoudig vir almal behoue bly.